AQShning jahon savdosi qoidalarini o‘zboshimchalik bilan o‘rnatishga haqi yo‘q, bu barcha mamlakatlar bilan birgalikda amalga oshirilishi kerak. Bu haqda Xitoy tashqi ishlar vazirligi rasmiy vakili aytib o‘tdi, deb yozadi “Interfaks”.
Xitoylik diplomat, shu tariqa, Barak Obamaning Trans-Tinch okeani sherikligi bo‘yicha bitim Vashingtonga xalqaro savdo qoidalarini o‘rnatish imkonini berishi haqidagi bayonotini izohladi.
“AQSh, bunday bayonotlar qilish orqali, juda katta orzularini namoyish etadi. Bu uzoq muddatli istiqbollarni hisobga olmagan holda qilinadi”, — dedi u.
Vazirlik vakili “xalqaro savdo qoidalari dunyoning barcha mamlakatlari tomonidan o‘rnatilishi kerakligi”ni, ular faqat bitta davlat tomonidan buyurilishi kerak emasligini qo‘shimcha qildi.
Izoh (0)