“Nasaf” OChL guruh bosqichidagi uchinchi ishtirokida ham muvaffaqiyatsizlikka uchradi

Futbol bo‘yicha Qarshining “Nasaf” klubi Osiyo Chempionlar Ligasi guruh bosqichidagi uchinchi ishtirokida ham pley-off yo‘llanmasini qo‘lga kirita olmadi. Amirliklarda “Al-Ayn”dan yengilgan Ro‘ziqul Berdiyev jamoasi, “D” guruhini so‘nggi o‘rinda yakunladi.

• “Paxtakor” — “Al-Jazira” 3:0; “Al-Ayn” — “Nasaf” 2:0. Matnli onlayn tugadi

6-tur oldidan “Nasaf” guruhdan chiqish imkoniyatlarini saqlab turgandi. Buning uchun “Al-Ayn” mag‘lub etilishi, parallel o‘yinda esa Saudiya klubi ochko yo‘qotishi talab etilardi. Birinchi navbatda “Nasaf”ning o‘zi vaziyatni o‘nglay olmagan bo‘lsa, ikkinchi o‘yinda Qatarning “Al-Jaish” klubi Saudiya jamoasidan yengildi.

Shu tariqa, o‘zbekistonlik futbolchi Sardor Rashidov harakat qiladigan Qatarning “Al-Jaish” klubi “D” guruhini peshqadam sifatida yakunladi. Amirliklarning “Al-Ayn” klubiga esa 2-o‘rin nasib qildi.

Ma’lumot uchun, Osiyo Chempionlar Ligasida O‘zbekiston sharafini himoya qilgan to‘rt klubdan uchtasi — “Bunyodkor”, “Paxtakor” va “Nasaf” o‘z yurishiga yakun yasab bo‘ldi. Nimchorak finalga yo‘l olish uchun Toshkentning “Lokomotiv” klubi yaxshi imkoniyatga ega.

• “Paxtakor” Osiyo Chempionlar Ligasining so‘nggi turida zafar quchib, musobaqani tark etdi

Osiyo Chempionlar Ligasi “D” guruhi. 6-tur 3-may, seshanba

“Al-Ayn” (BAA) — “Nasaf” (O‘zbekiston) 2:0

Gol: Asprilla, 39 (1:0). Ismoil Ahmad, 90+1 (2:0).“Nasaf”: Eldor Suyunov, Maqsud Karimov, Sherzod A’zamov (Islom Rashidxonov, 35), Ildar Mamatkazin, Shuhrat Muhammadiyev, Dilshod Rahmatullayev, Erkin Boydullayev, Bahrom Abdurahimov, Azamat Allaniyozov, Saydullo Rahmatov (Sharof Muhiddinov, 68), Bobur Abduxoliqov.

“Al-Ahli” (Saudiya Arabistoni) — “Al-Jaish” (Qatar) 2:0

Gollar: Markino, 63 (1:0). Havsavi, 86 (2:0).

O‘	Jamoa	O‘	G‘	D	M	T/N	O
1	“Al-Jaish”	6	3	1	2	6:8	10
2	“Al-Ayn”	6	3	1	2	8:6	10
3	“Al-Ahli”	6	3	0	3	10:7	9
4	“Nasaf”	6	1	2	3	4:7	5