«Насаф» ОЧЛ гуруҳ босқичидаги учинчи иштирокида ҳам муваффақиятсизликка учради

Футбол бўйича Қаршининг «Насаф» клуби Осиё Чемпионлар Лигаси гуруҳ босқичидаги учинчи иштирокида ҳам плей-офф йўлланмасини қўлга кирита олмади. Амирликларда «Ал-Айн»дан енгилган Рўзиқул Бердиев жамоаси, «D» гуруҳини сўнгги ўринда якунлади.

• «Пахтакор» — «Ал-Жазира» 3:0; «Ал-Айн» — «Насаф» 2:0. Матнли онлайн тугади

6-тур олдидан «Насаф» гуруҳдан чиқиш имкониятларини сақлаб турганди. Бунинг учун «Ал-Айн» мағлуб этилиши, параллел ўйинда эса Саудия клуби очко йўқотиши талаб этиларди. Биринчи навбатда «Насаф»нинг ўзи вазиятни ўнглай олмаган бўлса, иккинчи ўйинда Қатарнинг «Ал-Жаиш» клуби Саудия жамоасидан енгилди.

Шу тариқа, ўзбекистонлик футболчи Сардор Рашидов ҳаракат қиладиган Қатарнинг «Ал-Жаиш» клуби «D» гуруҳини пешқадам сифатида якунлади. Амирликларнинг «Ал-Айн» клубига эса 2-ўрин насиб қилди.

Маълумот учун, Осиё Чемпионлар Лигасида Ўзбекистон шарафини ҳимоя қилган тўрт клубдан учтаси — «Бунёдкор», «Пахтакор» ва «Насаф» ўз юришига якун ясаб бўлди. Нимчорак финалга йўл олиш учун Тошкентнинг «Локомотив» клуби яхши имкониятга эга.

• «Пахтакор» Осиё Чемпионлар Лигасининг сўнгги турида зафар қучиб, мусобақани тарк этди

Осиё Чемпионлар Лигаси «D» гуруҳи. 6-тур 3 май, сешанба

«Ал-Айн» (БАА) — «Насаф» (Ўзбекистон) 2:0

Гол: Асприлла, 39 (1:0). Исмоил Аҳмад, 90+1 (2:0).«Насаф»: Элдор Суюнов, Мақсуд Каримов, Шерзод Аъзамов (Ислом Рашидхонов, 35), Илдар Маматказин, Шуҳрат Муҳаммадиев, Дилшод Раҳматуллаев, Эркин Бойдуллаев, Баҳром Абдураҳимов, Азамат Алланиёзов, Сайдулло Раҳматов (Шароф Муҳиддинов, 68), Бобур Абдухолиқов.

«Ал-Аҳли» (Саудия Арабистони) — «Ал-Жаиш» (Қатар) 2:0

Голлар: Маркинmо, 63 (1:0). Ҳавсави, 86 (2:0).

Ў	Жамоа	Ў	Ғ	Д	М	Т/Н	О
1	«Ал-Жаиш»	6	3	1	2	6:8	10
2	«Ал-Айн»	6	3	1	2	8:6	10
3	«Ал-Аҳли»	6	3	0	3	10:7	9
4	«Насаф»	6	1	2	3	4:7	5