O‘zbekistonning birinchi raketkasi Denis Istomin Ispaniya poytaxti Madrid shahrida davom etayotgan Masters turkumidagi Mutua Madrid Open tennis turnirining asosiy bosqichini g‘alaba bilan boshladi, deb xabar bermoqda “Olamsport”.
Asosiy to‘rning birinchi davrasida 29 yoshli Istomin rossiyalik Teymuraz Gabashvili bilan kuch sinashdi hamda 6:1, 6:4 hisobida g‘alaba qozonib, ikkinchi davraga yo‘l oldi.
Musobaqani saralash bosqichidan boshlagan o‘zbekistonlik tennischi bungacha ispaniyalik Albert Montanesni 6:4, 6:3, qozog‘istonlik Mixail Kukushkinni 6:2, 2:6, 6:3 hisobida mag‘lubiyatga uchratgan edi.
Mutua Madrid Open turnirining ikkinchi davrasida Denis Istomin dunyoning 8-raketkasi, chexiyalik Tomash Berdixga qarshi kortga chiqadi.
Izoh (0)