Rossiyalik tennischi Mariya Sharapovaning doping namunalaridagi meldoniy miqdori ruxsat berilgan me’yorlardan ortiq. Bu haqda mamlakat sport vaziri Vitaliy Mutko ma’lum qildi, deb xabar beradi “TASS”.
“Mariya bilan bog‘liq masala murakkabroq. Murakkabligi shundaki, uning doping namunalaridagi konsentratsiya me’yordan oshiq. Mariya shifokor tavsiyasiga ko‘ra, dorini bir necha yillar davomida qabul qilib kelgan. Jazodan qutulib qolish mumkinmi yoki yo‘qligini oldindan bashorat qilmoqchi emasman. Biz faqat uning sportga qaytishini istaymiz”, — deb ta’kidlagan Mutko “Match TV” telekanaliga bergan intervyusida.
Eslatib o‘tamiz, oldinroq meldoniy qabul qilgani aniqlangan Mariya Sharapova barcha musobaqalardan chetlatilgani haqida xabar berilgandi.
Izoh (0)