Ўзбекистоннинг биринчи ракеткаси Денис Истомин Испания пойтахти Мадрид шаҳрида давом этаётган Masters туркумидаги Mutua Madrid Open теннис турнирининг асосий босқичини ғалаба билан бошлади, деб хабар бермоқда «Оламспорт».
Асосий тўрнинг биринчи даврасида 29 ёшли Истомин россиялик Теймураз Габашвили билан куч синашди ҳамда 6:1, 6:4 ҳисобида ғалаба қозониб, иккинчи даврага йўл олди.
Мусобақани саралаш босқичидан бошлаган ўзбекистонлик теннисчи бунгача испаниялик Альберт Монтанесни 6:4, 6:3, қозоғистонлик Михаил Кукушкинни 6:2, 2:6, 6:3 ҳисобида мағлубиятга учратган эди.
Mutua Madrid Open турнирининг иккинчи даврасида Денис Истомин дунёнинг 8-ракеткаси, чехиялик Томаш Бердихга қарши кортга чиқади.
Изоҳ (0)