Astronomlar muz emas, tog‘ jinslaridan iborat ilk dumsiz kometani aniqladi. Uning tarkibi Quyosh tizimi shakllanishi va evolyutsiyasi bilan bog‘liq savollarga javob topishga yordam berishi mumkin, deya xabar beradi “RBK”.
C/2014 S3 kometasi boshqa samoviy jismlardan Yer yaqinida uchraydigan tog‘ jinslaridan iborat ekanligi bilan ajralib turadi. Bu esa tadqiqotchilarga kometa va sayyora bir joyda shakllanganini taxmin etishga turtki berdi. Kometalarning aksariyati muzdan tashkil topgan va Quyosh tizimining boshqa nuqtalarida shakllanadi. C/2014 S3 shakllanganidan so‘ng yirik sayyoralar tortish kuchi tufayli Oort bulutlariga chiqarib tashlangan.
Shunga o‘xshash jismlarni alohida turkumga ajratish va “Menks kometalari” deb nom berish mo‘ljallanmoqda. Mazkur nom Men orolida istiqomat qiladigan dumsiz mushuklar bilan bog‘liq.
Izoh (0)