AQSh Kongressiga Rossiyaga qarshi choralar kuchaytirilishi va Ukraina qo‘llab-quvvatlanishi oshirilishiga qaratilgan qonun loyihasi (Stability and Democracy for Ukraine Act, STAND) kiritildi. Bu haqda “RBK” xabar bermoqda.
Loyiha muallifi, kongressmen Eliot Engelning bildirishicha, hujjat AQSh Rossiya G‘arb yakdilligini buzish va NATO mustahkamligini sinab ko‘rish ustida ishlayotgan paytda chetda turmasligini namoyish etishi lozim. STAND‘ning qabul qilinishi Ukraina hududiy yaxlitligini buzganligi uchun Rossiyaga nisbatan joriy etilgan sanksiyalar kengaytirilishini ko‘zda tutadi.
Xususan, loyihada “Magnitskiy ro‘yxati” kengaytirilishi, harbiy texnologiyalar yetkazib berilishini cheklash, banklar ustidan nazoratni kuchaytirish, Qrim Rossiya tarkibiga qo‘shilganini tan olmaslik xususida so‘z boradi.
Yangi qonunda bevosita Ukrainaga xususiy investorlar jalb etilishiga ko‘mak beradigan xalqaro konsorsium tashkil etilishida yordam va’da qilingan. Biroq mamlakatga kreditlar ajratilishi yoki hukumat kafolatlari berilishi nazarda tutilmagan.
Izoh (0)