AQSh 29-aprel, juma kuni Rossiyaning Su-27 samolyoti Boltiq dengizi ustida Amerika harbiy-havo kuchlariga qarashli RC-135 samolyoti yonidan uchib o‘tganini ikki mamlakat o‘rtasida munosabatlar taranglashishiga turtki beradi, deb hisoblaydi. Bu haqda AQSh mudofaa vazirligi matbuot xizmati vakili Bill Urban ma’lum qildi, deya xabar beradi “Interfaks”.

“Mazkur xavfli va uquvsiz amaliyot havo kemasiga jiddiy zarar yetkazishi, ekipaj a’zolari shikastlanishiga olib kelishi mumkin edi. Eng muhimi, bu mamlakatlarimiz o‘rtasida taranglikka sabab bo‘lishi mumkin. Bu hodisa Rossiya samolyotining ‘Donald Kuk’ kemasiga xavfli yaqinlashuvidan hech qancha o‘tmay sodir bo‘ldi”, — deb ta’kidladi Urban.

Pentagon vakili oxirgi yil davomida Rossiya harbiy samolyotlari havo va suvlikda bir necha bor xavfli yaqinlashuvlarni amalga oshirganidan chuqur xavotir bildirdi.