Futbol bo‘yicha Angliya Kubogining finalida to‘p suradigan birinchi jamoaning nomi aniq bo‘ldi. Bu — “Manchester Yunayted”.
Lui Van Gal ustozlik qilayotgan klub mavsum boshidan buyon o‘zi ishtirok etgan 5 ta turnirning 4 tasida muvaffaqiyatsizlikka uchrab, birorta ham sovringa ega chiqmagandi. Angliya Kubogining yarim finalida “Everton” mag‘lub etilgach, “MYu” mavsumni hech bo‘lmaganda 1 ta sovrin bilan yakunlash imkoniyatiga ega bo‘ldi.
Angliya Kubogi reglamentiga muvofiq yarim final bellashuviga ham final bo‘lib o‘tadigan “Uembli” stadioni mezbonlik qildi. 86 064 nafar ishqiboz bevosita stadiondan kuzatib borgan o‘yinning so‘nggi daqiqasida Antoni Marsyal g‘alabaga golini kiritishga muvaffaq bo‘ldi.
Qayd etish kerak, uchrashuvning 57-daqiqasida “Everton”ning belgiyalik hujumchisi Romelu Lukaku penaltidan aniq foydalana olmadi.
Yarim finalning ikkinchi o‘yini ertaga, 24-aprel kuni “Kristal Pelas” hamda “Uotford” klublari o‘rtasida bo‘lib o‘tadi.
Angliya Kubogi Yarim final bellashuvi 23-aprel, shanba
Izoh (0)