Meksikalik uchuvchi qiz Alehandra Manrikes o‘zining instagram sahifasiga Madridning “Real” klubi a’zosi Krishtianu Ronaldu bilan do‘stona tushilgan suratini joyladi. Bunga qadar Alehandra Ronaldu bilan samalyot bortida tushilgan suratni ham e’lon qilgandi.
Alehandra Manrikesning sahifasidan bilish qiyin emaski, u Kataloniyaning “Barselona” klubiga ishqibozlik qiladi. Uchuvchi qizning “Barsa” libosida tushgan bir qator suratlari bor bo‘lib, ular orasida Messi qo‘lga kiritgan “Oltin to‘p”lar yonidan uyushtirilgan reportaj ham o‘rin olgan.
Ko‘rinishidan, Alehandra bir qator mashhur shaxslar bilan tanish yoki ularni uchratib qolganida suratga tushib oladi. Amerikaning mashhur pop-guruhi hisoblangan “Maroon 5” ijrojisi Adam Levin bilan tushilgan suratni ham Alehandra Manrikesning sahifasida uchratish mumkin.
Babywingz niki bilan yuritiladigan uchuvchi qiz sahifasini 30 mingdan ziyod instagram foydalanuvchilari kuzatib boradi.
Izoh (0)