Мексикалик учувчи қиз Алеҳандра Манрикес ўзининг instagram саҳифасига Мадриднинг «Реал» клуби аъзоси Криштиану Роналду билан дўстона тушилган суратини жойлади. Бунга қадар Алеҳандра Роналду билан самалёт бортида тушилган суратни ҳам эълон қилганди.
Алеҳандра Манрикеснинг саҳифасидан билиш қийин эмаски, у Каталониянинг «Барселона» клубига ишқибозлик қилади. Учувчи қизнинг «Барса» либосида тушган бир қатор суратлари бор бўлиб, улар орасида Месси қўлга киритган «Олтин тўп»лар ёнидан уюштирилган репортаж ҳам ўрин олган.
Кўринишидан, Алеҳандра бир қатор машҳур шахслар билан таниш ёки уларни учратиб қолганида суратга тушиб олади. Американинг машҳур поп-гуруҳи ҳисобланган «Maroon 5» ижрожиси Адам Левин билан тушилган суратни ҳам Алеҳандра Манрикеснинг саҳифасида учратиш мумкин.
Babywingz ники билан юритиладиган учувчи қиз саҳифасини 30 мингдан зиёд instagram фойдаланувчилари кузатиб боради.
Изоҳ (0)