Буюк британиялик таниқли комедия актрисаси Виктория Вуд 62 ёшида саратон касаллигидан вафот этди. Бу ҳақда «ТАСС» хабар бермоқда.
Вуд 1980 йили ўзининг сценарийси асосида суратга олинган «‘Ҳакалак’ осори-атиқалар дўкони» телесериалидан сўнг танилди. 2005 йили мазкур сериал асосида мюзикл қўйилди. 1998 йилда эса «Диннерлейдис» номли биринчи ситкоми сценарийсини ёзди ва унда бош роллардан бирини ижро этди.
Кейинчалик Вуднинг стендап-комедия жанридаги кулгили саҳналари оммалашди. Монологларнинг фортепиано чалиб ижро этиладиган сатирик руҳдаги қўшиқлар билан алмашиши унинг асосий ташриф қоғозига айланди.
Вудга беш бор Британия кино ва телевидение академияси мукофоти (BAFTA) тақдим этилган.
Изоҳ (0)