“Baron” filmining ikkinchi qismi ssenariysi ustida ishlar boshlandi. Aktyor Farhod Mahmudov filmning davomida ham qatnashadi. Bu haqda film rejissori Rustam Sa’diyev o‘zining Instagram’dagi sahifasida ma’lum qildi, deb yozadi UZ24.
“Ayni damda ‘Baron-2’ ssenariysi ustida ishlar ketyapti. Farhod Mahmudov bilan syomka muddatlarini kelishib oldik. (Hozircha shu)”, — deya qayd etdi rejissor.
Shuningdek, rejissor “Er bermoq — jon bermoq - 2” komediyasining suratga olish ishlari boshlanish arafasida ekanligi haqida ham yozib qoldirgan. Filmning davomida qaysi aktyorlar ishtirok etishi aytilmagan.
Eslatib o‘tamiz, rejissor Rustam Sa’diyev “O‘zbekkino” Milliy agentligi buyurtmasiga asosan suratga olgan “Baron” nomli film Alisher Navoiy nomli kinosaroyida 15-yanvar kuni yopiq premyera qilingan edi.
Keyinroq filmda bosh rollardan birini ijro etgan aktyor Javohir Zokirov “Baron” filmining davomi suratga olinishini ishonch bilan ta’kidlagan edi.
Izoh (0)