«Барон» фильмининг иккинчи қисми сценарийси устида ишлар бошланди. Актёр Фарҳод Маҳмудов фильмнинг давомида ҳам қатнашади. Бу ҳақда фильм режиссёри Рустам Саъдиев ўзининг Instagram’даги саҳифасида маълум қилди, деб ёзади UZ24.
«Айни дамда ‘Барон-2’ сценарийси устида ишлар кетяпти. Фарҳод Маҳмудов билан съёмка муддатларини келишиб олдик. (Ҳозирча шу)», — дея қайд этди режиссёр.
Шунингдек, режиссёр «Эр бермоқ — жон бермоқ - 2» комедиясининг суратга олиш ишлари бошланиш арафасида эканлиги ҳақида ҳам ёзиб қолдирган. Фильмнинг давомида қайси актёрлар иштирок этиши айтилмаган.
Эслатиб ўтамиз, режиссёр Рустам Саъдиев «Ўзбеккино» Миллий агентлиги буюртмасига асосан суратга олган «Барон» номли фильм Алишер Навоий номли киносаройида 15 январь куни ёпиқ премьера қилинган эди.
Кейинроқ фильмда бош роллардан бирини ижро этган актёр Жавоҳир Зокиров «Барон» фильмининг давоми суратга олинишини ишонч билан таъкидлаган эди.
Изоҳ (0)