Ekvadordagi zilzila oqibatida halok bo‘lganlar soni 233 kishiga yetdi. Bu haqda mamlakat prezidenti Rafael Korrea ma’lum qildi, deb xabar beradi “TASS”.
Oldinroq tabiiy ofat tufayli 77 kishi o‘lgani haqida xabar berilgandi.
“Zilzila qurbonlari soni rasman 233 kishiga yetdi. Hozirda asosan vayronalar ostidan tirik qolganlarni qidirib topishga e’tibor qaratganmiz. Jamoat xavfsizligi bilan bog‘liq vaziyat nazorat ostida. Vaqtinchalik boshpanalar tayyorlab qo‘yildi, butun mamlakat oyoqqa turgan”, — deb yozdi u Twitter’dagi sahifasida.
Shuningdek, prezident yer silkinishidan eng ko‘p aziyat chekkan Manta aholi punktiga yo‘l olayotganligini ma’lum qildi.
Izoh (0)