Futbol bo‘yicha Angliya Premyer-ligasining 34-turida peshqadam “Lester” o‘z maydonida “Vest Hem” bilan 2:2 hisobida durang o‘ynadi.
O‘yinning 56-daqiqasiga kelib bosh hakam Jonatan Moss “Lester”ning to‘purar futbolchisi Jeymi Vardini maydondan chetlatdi. Bunga qadar Vardi mavsumdagi 22-golini urib, to‘purarlar poygasida Harri Keynga yetib olgandi.
Moss 84-daqiqada “Lester” darvozasiga penalti belgiladi. Kerrol undan unumli foydalangan bo‘lsa, oradan ikki daqiqa o‘tib, Kressvel londonliklarni hisobda oldinga olib chiqdi.
O‘yinning 94-daqiqasida gol muallifi Endi Kerrol o‘z jarima maydonchasi ichida qo‘pol o‘ynadi. Belgilangan penaltini Leonardo Ulyoa aniq amalga oshirib, “Lester”ni mag‘lubiyatdan qutqarib qoldi. Bunga qadar Klaudiyo Ranyeri jamoasi ketma-ket besh o‘yinda gol o‘tkazmay, g‘alaba qozongandi.
Kunning ikkinchi o‘yinida “Liverpul” 3 ochkoni qo‘lga kiritdi.
“Lester” ochkolari sonini 73 taga yetkazib, turnir jadvalida peshqadam bo‘lib turibdi. 2-o‘rinda borayotgan “Tottenhem” 33 ta o‘yinda 65 ochkoga ega. 18-aprel kuni London klubi “Stok Siti” maydonida mehmon bo‘ladi.
“Liverpul” esa mazkur g‘alabasidan keyin ochkolari sonini 51 taga yetkazib oldi. Klub hisobida qo‘shimcha ikki uchrashuv borligi inobatga olinsa, Klopp shogirdlari 8-o‘rindan yuqoriga ko‘tarilib olish imkoniyatiga ega.
Angliya Premyer-ligasi 34-tur bellashuvi 17-aprel, yakshanba
“Bornmut” — “Liverpul” 1:2
Gollar: Roberto Firmino, 41 (0:1). Daniel Starrij, 45+2 (0:2). Joshua King, 90+3 (1:2).“Lester” — “Vest Hem” 2:2
Gol: Jeymi Vardi, 18 (1:0). Endi Kerrol, 84-pen (1:1). Aaron Kressvel, 86 (1:2). Leonardo Ulyoa, 90+4-pen (2:2).Chetlatish: Jeymi Vardi, 56 (L).APL, 34-tur. “Aston Villa” 29 yildan keyin birinchi bor Premyer-liga bilan xayrlashdi
APL, 34-tur. “Chelsi”ni yirik hisobda mag‘lub etgan “Manchester Siti” 3-o‘ringa ko‘tarildi
18-aprel, dushanba“Stok Siti” — “Tottenhem”
Izoh (0)