Футбол бўйича Англия Премьер-лигасининг 34-турида пешқадам «Лестер» ўз майдонида «Вест Ҳэм» билан 2:2 ҳисобида дуранг ўйнади.
Ўйиннинг 56-дақиқасига келиб бош ҳакам Жонатан Мосс «Лестер»нинг тўпурар футболчиси Жейми Вардини майдондан четлатди. Бунга қадар Варди мавсумдаги 22-голини уриб, тўпурарлар пойгасида Ҳарри Кейнга етиб олганди.
Мосс 84-дақиқада «Лестер» дарвозасига пенальти белгилади. Кэрролл ундан унумли фойдаланган бўлса, орадан икки дақиқа ўтиб, Крессвел лондонликларни ҳисобда олдинга олиб чиқди.
Ўйиннинг 94-дақиқасида гол муаллифи Энди Кэрролл ўз жарима майдончаси ичида қўпол ўйнади. Белгиланган пенальтини Леонардо Ульоа аниқ амалга ошириб, «Лестер»ни мағлубиятдан қутқариб қолди. Бунга қадар Клаудио Раньери жамоаси кетма-кет беш ўйинда гол ўтказмай, ғалаба қозонганди.
Куннинг иккинчи ўйинида «Ливерпуль» 3 очкони қўлга киритди.
«Лестер» очколари сонини 73 тага етказиб, турнир жадвалида пешқадам бўлиб турибди. 2-ўринда бораётган «Тоттенҳэм» 33 та ўйинда 65 очкога эга. 18 апрель куни Лондон клуби «Сток Сити» майдонида меҳмон бўлади.
«Ливерпуль» эса мазкур ғалабасидан кейин очколари сонини 51 тага етказиб олди. Клуб ҳисобида қўшимча икки учрашув борлиги инобатга олинса, Клопп шогирдлари 8-ўриндан юқорига кўтарилиб олиш имкониятига эга.
Англия Премьер-лигаси 34-тур беллашуви 17 апрель, якшанба
«Борнмут» — «Ливерпуль» 1:2
Голлар: Роберто Фирмино, 41 (0:1). Даниэл Старриж, 45+2 (0:2). Жошуа Кинг, 90+3 (1:2).«Лестер» — «Вест Ҳэм» 2:2
Гол: Жейми Варди, 18 (1:0). Энди Кэрролл, 84-пен (1:1). Аарон Крессвел, 86 (1:2). Леонардо Ульоа, 90+4-пен (2:2).Четлатиш: Жейми Варди, 56 (Л).АПЛ, 34-тур. «Астон Вилла» 29 йилдан кейин биринчи бор Премьер-лига билан хайрлашди
АПЛ, 34-тур. «Челси»ни йирик ҳисобда мағлуб этган «Манчестер Сити» 3-ўринга кўтарилди
18 апрель, душанба«Сток Сити» — «Тоттенҳэм»
Изоҳ (0)