“Barselona” bosh murabbiyi Luis Enrike jamoasining “Atletiko”ga qarshi YeChL chorak final javob o‘yinidagi mag‘lubiyatiga javobgarlikni o‘z bo‘yniga oldi. Kataloniyaliklar 0:2 hisobida imkoniyatni boy berib, musobaqani davom ettirish huquqidan mahrum bo‘ldi. Bu haqda “Chempionat” xabar bermoqda.
“‘Barselona’ning mag‘lubiyatiga 99,9 foiz, yo‘q, 100 foiz men aybdorman. Shu sababli ham men murabbiyman. Ko‘rinib turibdiki, hozir eng yaxshi holatda emasmiz. Samaradorlik bilan ham ajralib turmayapmiz. Lekin qaddimizni rostlab, oldinga yurishda davom etishimiz kerak”, – dedi Luis Enrike.
Eslatib o‘tamiz, “Barselona” va “Atletiko” klublari o‘rtasidagi YeChL chorak final dastlabki o‘yinida kataloniyaliklar 2:1 hisobida zafar quchgan edi. Ikki o‘yin natijasiga ko‘ra esa, “Atletiko” YeChL yarim finali yo‘llanmasini qo‘lga kiritdi.