14 апрелга ўтар кечаси футбол бўйича Европа Чемпионлар Лигаси чорак финал босқичи доирасидаги сўнгги учрашувлар бўлиб ўтади — жавоб учрашувлари доирасида «Атлетико Мадрид» ўз майдонида «Барселона»ни, «Бенфика» эса «Бавария»ни қабул қилади.
Бир ҳафта аввал Барселона ва Мюнхенда бўлиб ўтган дастлабки учрашувлар «Барселона» (2:1) ва «Бавария» (1:0)нинг ғалабаси билан якунига етган. Тошкент вақти билан 13 апрель, чоршанба куни соат 23:45 да бошланажак ўйинлар ЕЧЛ ярим финалининг яна икки иштирокчиси номини аниқлаб беради («Реал Мадрид» ва «Манчестер Сити» кеча тунда ярим финал йўлланмасини қўлга киритди).
«Дарё» интернет-нашри «Атлетико Мадрид» — «Барселона» ҳамда «Бенфика» — «Бавария» учрашувларидан битта умумий матнли онлайн уюштиради. Воқеалар ривожини бизда кузатиб боринг, янгиликлар дарёсидан четда қолманг!
Изоҳ (0)