AQSh Davlat kotibi Jon Kerri ko‘zda tutilmagan tashrif bilan Afg‘onistonga keldi. Bu haqda AQSh Davlat departamenti ma’lum qildi, deya xabar beradi “TASS”.
Amerika tashqi siyosiy idorasi rahbari Afg‘oniston prezidenti Ashraf G‘ani Ahmadzay va bosh vazir Abdulla Abdulla bilan uchrashishi ko‘zda tutilgan. Davlat departamenti vakili Jon Kirbining bildirishicha, Davlat kotibi “AQShning afg‘on hukumati va qurolli kuchlarini qo‘llab-quvvatlashiga urg‘u beradi”.
8-aprel, juma kuni Kerri e’lon qilinmagan tashrif bilan Iroqda bo‘lib, mamlakat rasmiylari bilan IShIDga qarshi kurash masalalarini muhokama qilgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)