Jazoir armiyasi bo‘linmalari Tunis bilan chegara yaqinidagi al-Ued viloyati, Bir al-Kassira shahrida to‘rt nafar terrorchini yo‘q qildi. Bu haqda mamlakat milliy mudofaa vazirligi ma’lum qildi, deya xabar beradi “TASS”.
“Xalq armiyasi otryadi tomonidan Bir al-Kassira shahrida amalga oshirilgan operatsiya davomida uch nafar terrorchi o‘ldirildi. Shuningdek, aksilterror reydi chog‘ida to‘rtta Kalashnikov avtomati, uch granata va 250 ta patron musodora etildi”, — deya ta’kidlangan vazirlik bayonotida.
Keyinchalik harbiylar to‘rtinchi jangari ham yo‘q qilinganini bildirgan.