Avstraliyaning Qantas aviakompaniyasi o‘zining Boeing 737-800 samolyoti va Tesla Model S P90D elektromobili o‘rtasida poyga tashkil qildi, deb yozadi Meduza.
Avtomobil va avialayner Melburndagi Avalon aeroportida parallel uchish-qo‘nish yo‘laklaridan yurib o‘tdi.
Startda 3 soniya ichida soatiga 100 km tezlikka ega bo‘lgan Tesla oldinga chiqib ketdi. Ammo uch kilometrli yo‘lakda harakatlangani sari, Boeing o‘rtadagi masofani qisqartirib bordi, shunday bo‘lsa-da, qaysidir lahzada avtomobil yana ilgarilab ketdi. Yo‘lakning oxiriga kelib, samolyot Tesla bilan deyarli bir xil chiziqda bo‘lib qoldi, biroq parvozdan so‘ng, albatta, oldinga o‘tib oldi.
Qantas o‘zining avtomobil ishlab chiqaruvchi kompaniya bilan hamkorligiga e’tibor qaratish maqsadida Tesla va Boeing poygasini tasvirga oldi.
Izoh (0)