“Barselona” bosh murabbiyi Luis Enrike “Atletiko”ga qarshi kechadigan Yevropa Chempionlar Ligasi 1/4 finalining dastlabki uchrashuvi oldidan o‘zining fikrlari bilan o‘rtoqlashdi, deb xabar beradi “Uff.uz”.
“Biz so‘nggi yillarda ‘Atletiko’ bilan YeChL pley-offlarida ikki marta o‘ynadik va raqibning haqiqiy kuchini yaxshi bilamiz. ‘Atletiko’ – yuqori pressing qo‘llaydigan hamda qarshi hujumlarga o‘tib ketadigan top-klub hisoblanadi. Ular bu safar bizga qarshi boshqacha o‘ynaydi. ‘Real’ga qarshi o‘yinning dastlabki 65 daqiqasida yaxshi o‘ynagandik. To‘g‘ri, xatolar qildik, axir kuchli klublarga qarshi hamisha shunaqa bo‘lib keladi. Umuman olganda, biz mag‘lubiyatning ta’mini unutib qo‘ygan ekanmiz. Buyog‘iga xulosa qilishimiz zarur. ‘Atlektiko’ga qarshi o‘yinga qaytsam, ularda Grizmann va Torres kabi futbolchilar bor. Biz ulardan ehtiyot bo‘lishimiz lozim”, – deydi Luis Enrike.
“Barselona” – “Atletiko” o‘rtasidagi dastlabki uchrashuv bugun, 5-aprel kuni “Kamp Nou” stadionida bo‘lib o‘tadi. O‘yin Toshkent vaqti bilan 23:45 da boshlanadi.
Mavzuga oid: