Yuanning Xitoy xalq banki tomonidan kuzatib boriladigan valyutalar savatiga nisbatan kursi 30-mart, chorshanba kuni 16 oy mobaynidagi minimumga tushdi. Bu haqda Bloomberg ma’lum qildi, deya xabar beradi “Interfaks”.
Xitoy milliy valyutasining bunday dinamikasi Pekin tashqi savdodagi o‘zi uchun muhim valyutalar savatiga nisbatan yuan devalvatsiyasini davom ettirayotganligi bilan bog‘liq xavotirlarni kuchaytirmoqda.
Mamlakat valyuta birjasining (CFETS) yuanli indeksi — CFETS RMB 2014-yil oxiridan beri ilk bor 98 punktdan pastga tushdi. Bunday holat eksport bilan shug‘ullanadigan Xitoy kompaniyalari tushumi oshishi va milliy iqtisodiyot o‘sishini qo‘llab-quvvatlashga xizmat qilishi bildirilmoqda.
Izoh (0)