“Mobinfo.uz” O‘zbekistondagi yirik mobil aloqa operatori abonentlaridan birining savoliga javob berdi. U to‘qqiz kun ichida 3 Gb mobil trafikni o‘zi bilmagan holda sarflab qo‘yganidan shikoyat qilgan edi. Bu vaqt ichida u na Google Play Market, na qidiruv tizimidan foydalangan va na Internetda video tomosha qilgan, shunchaki Facebook mobil dasturini ishlatgan. Biroq natijada, telefon hisobidagi mablag‘ tugab, aloqa o‘chirilgan.
Nashr ushbu muammoni hal qilishning bir nechta usullarini taklif etdi. Ta’kidlash joiz, Facebook mobil dasturi mobil trafikni “yeb qo‘yish” bo‘yicha rekordchi hisoblanadi (Ikkinchi o‘rinda esa Instagram). Bundan tashqari, dastur smartfonning tezkor xotirasida katta joyni egallaydi. Ushbu muammoning yechimlari quyidagilar:
- Facebook dasturining layt-versiyasini o‘rnating, u trafikni o‘n barobar kamroq sarflaydi;
- Facebook’da video ko‘rmang. Sozlamalarga kirib, Facebook‘da videoning avtomatik yuklanishi (3G va 4G orqali)ni o‘chirib qo‘ying;
- Facebook’ni faqat brauzer orqali oching — trafikni tejaysiz;
- Facebook‘ni yangilash haqida keladigan bildirishnomalarni o‘chirib qo‘ying;
- Fon rejimida ham Facebook ko‘p trafik “yeydi”, ushbu funksiyani Hybernation Manager dasturi yordamida o‘chirib qo‘ying;
- Sozlamalarda boshqa avtomatik yangilanmalarni ham o‘chirib qo‘ying.
Izoh (0)