Bryusseldagi aeroportda o‘zini portlatib yuborgan xudkush terrorchi Xalid Bakraviy Italiyadan Belgiyaga tranzit orqali 2015-yilda yetib olgan, o‘shanda u “Inter” sobiq futbolchisi Ibrohim Ma’rufiy ism-sharifidan foydalangan, deya xabar bermoqda “Chempionat”.
Belgiya pasportiga ega marokashlik Bakraviy haqiqatan ham, ushbu futbol klubining sobiq o‘yinchisiga juda o‘xshash bo‘lgan. Shu tufayli, u hech qanday muammosiz, ortiqcha shubha uyg‘otmagan holda davlatlar chegaralarini kesib o‘tgan.
Eslatib o‘tamiz, 22-mart kuni Bryusseldagi “Zaventem” aeroportida va “Malbek” metro bekatida portlashlar sodir etildi. Natijada, so‘nggi ma’lumotlarga ko‘ra, 28 kishi halok bo‘lgan, 340 ga yaqin kishi yaralangan.
Izoh (0)