Futbol bo‘yicha O‘zbekiston milliy terma jamoasi hujumchisi Aleksandr Geynrix Filippinga qarshi JCh—2018 va Osiyo Kubogi—2019 saralash uchrashuvidan so‘ng O‘zMTRKning “Sport” telekanaliga qisqacha intervyu berdi.
Ma’lumot uchun, 24-mart, payshanba kuni Toshkentdagi “Bunyodkor” stadionida bo‘lib o‘tgan O‘zbekiston — Filippin uchrashuvi 1:0 hisobida mezbonlar foydasiga hal bo‘ldi. O‘yindagi yagona golga Anzur Ismoilov mualliflik qildi, unga to‘pni Aleksandr Geynrix yetkazib bergan edi.
“Maydonga tushib, jamoaga yordam berish — mening vazifam. Maydonga chiqib, jamoaga yordam bera olganimdan xursandman”, — dedi futbolchi.
“Gol ura olganim yo‘q, lekin golga hammualliflik qildim. Shuning o‘zi ham yoqimli. Hammasi shunday davom etsin, har safar maydonga tushganimda g‘alaba qozonaveraylik”, — deya qo‘shimcha qildi Aleksandr Geynrix.
Izoh (0)