Turinning “Yuventus” futbol klubi Yevropa Chempionlar Ligasi nimchorak finalida “Bavariya”ga imkoniyatni boy berdi va musobaqani tark etdi. Shunga qaramay, UEFA “Yuventus” a’zosi Alvaro Moratani uchrashuvning eng yaxshi futbolchisi deb topdi.
“‘Yuve’ning mag‘lubiyatiga qaramay, hujumchini o‘zini har taraflama ko‘rsata oldi. Ispaniyalik hujumchining ajoyib harakatlari natijasida turinliklar ikkinchi golni kiritishdi. Morata ‘Bavariya’ himoyachilari uchun eng xavfli raqibga aylana oldi”, — deyiladi UEFA rasmiy sayti xabarida.
Eslatib o‘tamiz, Yevropa Chempionlar Ligasi nimchorak final javob uchrashuvlari doirasida 16-mart, chorshanba kuni Myunxenda bo‘lib o‘tgan “Bavariya” — “Yuventus” uchrashuvida mezbonlar qo‘shimcha vaqtda 4:2 hisobida g‘alaba qozondi. Turindagi o‘yin 2:2 hisobi bilan tugagan edi.
Ma’lumot uchun, “Yuventus” Myunxenda “Bavariya”ni faqat bir marta — 2004-yil noyabrida mag‘lub etgan. O‘shanda “C” guruhi uchrashuvlari doirasida to‘qnash kelgan klublar o‘rtasidagi bahs tadqirini Alessandro Del Pyeroning so‘nggi daqiqalarda kiritgan goli hal qilgandi.
Izoh (0)