«Саудия ҳаво йўллари» йўловчи лайнерининг командири парвоз чоғида вафот этгач, ҳаво кемаси иккинчи учувчи томонидан қўндирилди, дея хабар бермоқда The Daily Mail.
Бортида 220 йўловчи бўлган самолёт 1 март куни Биша — Ар-Риёд йўналиши бўйича икки соатлик ички рейсни амалга ошираётган эди.
Қўниш йўлагига кириш вақтида командир Валид бин Муҳаммад ал-Муҳаммад тўсатдан ҳушини йўқотди. Иккинчи учувчи Рами бин Ғозий бошқарувни қўлга олишга муваффақ бўлди ва қўнишни эсон-омон амалга оширди. У, шунингдек, радиоалоқа орқали тез ёрдам бригадасини чақирди. Етиб келган шифокорлар ҳаво кемаси командири инфарктдан вафот этганини қайд қилди.
Изоҳ (0)