5-mart, shanba kuni superog‘ir vazn toifasida Jahon boks assotsiatsiyasi (WBA)ning muntazam chempioni hisoblangan o‘zbekistonlik Ruslan Chagayev avstraliyalik Lukas Braunga qarshi jang o‘tkazadi. Ushbu jang Rossiyaning “Match TV” sport telekanali orqali namoyish etilishi rejalashtirilgan.
“Match TV”ning dasturlari ro‘yxatida Moskva vaqti bilan 22:00 (Toshkent vaqti bo‘yicha 00:00) dan boshlab Ruslan Chagayev va Lukas Braun o‘rtasidagi jang namoyishi ko‘rsatilgan.
O‘zbekiston milliy teleradiokompaniyasining “Sport” kanali bu vaqtda futbol bo‘yicha O‘zbekiston milliy chempionatining 1-turidagi “Metallurg” hamda “So‘g‘diyona” jamoalari o‘rtasidagi o‘yinni namoyish etadi.
Eslatib o‘tamiz, Chagayev va Braun 3-mart kuni jang oldidan ko‘z urishtirdi.
Izoh (0)