5 март, шанба куни супероғир вазн тоифасида Жаҳон бокс ассоциацияси (WBA)нинг мунтазам чемпиони ҳисобланган ўзбекистонлик Руслан Чагаев австралиялик Лукас Браунга қарши жанг ўтказади. Ушбу жанг Россиянинг «Матч ТВ» спорт телеканали орқали намойиш этилиши режалаштирилган.
«Матч ТВ»нинг дастурлари рўйхатида Москва вақти билан 22:00 (Тошкент вақти бўйича 00:00) дан бошлаб Руслан Чагаев ва Лукас Браун ўртасидаги жанг намойиши кўрсатилган.
Ўзбекистон миллий телерадиокомпаниясининг «Спорт» канали бу вақтда футбол бўйича Ўзбекистон миллий чемпионатининг 1-туридаги «Металлург» ҳамда «Сўғдиёна» жамоалари ўртасидаги ўйинни намойиш этади.
Эслатиб ўтамиз, Чагаев ва Браун 3 март куни жанг олдидан кўз уриштирди.
Изоҳ (0)