25-fevral kuni O‘zbekistonda havo o‘zgarib turadi, yog‘ingarchilik kutilmaydi. Bu haqda “O‘zgidromet” markazi xabar berdi.
25-fevralga o‘tar kechasi O‘zbekistonning tog‘li hududlarida +7 daraja, Toshkent shahri, Qoraqalpog‘iston Respublikasi, Xorazm, Toshkent, Samarqand, Jizzax, Sirdaryo hamda Farg‘ona vodiysi viloyatlarida +10 darajagacha iliq bo‘ladi.
Buxoro va Navoiy viloyatlarida 25-fevralga o‘tar kechasi havo harorati +7...+12 daraja, Qashqadaryo va Surxondaryo viloyatlarida esa +8...+13 daraja iliq bo‘lishi kutilmoqda.
“O‘zgidromet” ma’lumotlariga ko‘ra, 25-fevral kuni kunduzi havo harorati O‘zbekistonning tog‘li hududlari +10 darajadan, qolgan hududlarda esa +15 darajadan past bo‘lmaydi.
Xususan, tog‘li hududlarda havo harorati +15 darajagacha, Qoraqalpog‘iston va Xorazmja +20 darajagacha, Toshkent, Samarqand, Jizzax, Sirdaryo hamda Farg‘ona vodiysi viloyatlari hamda Toshkent shahrida +23...+25 darajagacha iliq bo‘lishi kutilmoqda.
Buxoro, Navoiy, Qashqadaryo va Surxondaryo viloyatlarida 25-fevral kuni havo harorati +20...+25 daraja iliq bo‘ladi, mazkur viloyatlarning ba’zi joylarida havo harorati +28 darajagacha ko‘tarilishi mumkin.
Izoh (0)