Тошкентда 25 февраль куни ҳаво ҳарорати +24 даражагача илиқ бўлади

25 февраль куни Ўзбекистонда ҳаво ўзгариб туради, ёғингарчилик кутилмайди. Бу ҳақда «Ўзгидромет» маркази хабар берди.

25 февралга ўтар кечаси Ўзбекистоннинг тоғли ҳудудларида +7 даража, Тошкент шаҳри, Қорақалпоғистон Республикаси, Хоразм, Тошкент, Самарқанд, Жиззах, Сирдарё ҳамда Фарғона водийси вилоятларида +10 даражагача илиқ бўлади.

Бухоро ва Навоий вилоятларида 25 февралга ўтар кечаси ҳаво ҳарорати +7...+12 даража, Қашқадарё ва Сурхондарё вилоятларида эса +8...+13 даража илиқ бўлиши кутилмоқда.

«Ўзгидромет» маълумотларига кўра, 25 февраль куни кундузи ҳаво ҳарорати Ўзбекистоннинг тоғли ҳудудлари +10 даражадан, қолган ҳудудларда эса +15 даражадан паст бўлмайди.

Хусусан, тоғли ҳудудларда ҳаво ҳарорати +15 даражагача, Қорақалпоғистон ва Хоразмжа +20 даражагача, Тошкент, Самарқанд, Жиззах, Сирдарё ҳамда Фарғона водийси вилоятлари ҳамда Тошкент шаҳрида +23...+25 даражагача илиқ бўлиши кутилмоқда.

Бухоро, Навоий, Қашқадарё ва Сурхондарё вилоятларида 25 февраль куни ҳаво ҳарорати +20...+25 даража илиқ бўлади, мазкур вилоятларнинг баъзи жойларида ҳаво ҳарорати +28 даражагача кўтарилиши мумкин.