Toshkent shahrining Ahmad Donish va Moyqo‘rg‘on ko‘chalari kesishmasida 22-fevral, dushanba kuni Chevrolet Spark va Chevrolet Lacetti avtomobillari ishtirokida yo‘l-transport hodisasi yuz berdi. Bu haqda Facebook’dagi “Voditeli Tashkenta” guruhida xabar qoldirilgan.
YTH qanday holatda, kimning aybi bilan yuz bergani noma’lum. Hodisa natijasida Chevrolet Spark avtomobili ag‘darilib ketgan, Lacetti esa svetofor ustuniga borib urilgan. Jabrlanuvchilar haqida hozircha ma’lumot yo‘q.
Fotoxabar ostida fikr bildirgan “Voditeli Tashkenta” guruhi a’zolari Ahmad Donish — Moyqo‘rg‘on kesishmasidagi bu kabi YTHlarning aksariyati haydovchilar svetoforning sariq rangi yonganida harakatlanishni boshlab, chorrahaga chiqib ketishi ortidan yuz berishini qayd etgan.
Izoh (0)