Mercedes-Benz C-Class kabrioleti suratlari premyeradan avval tarqalib ketdi

Internetda Mercedes-Benz C-Class kabrioletining seriyali versiyasi aks etgan video paydo bo‘ldi, deb yozadi Motor. Josuslar Mercedes korxonasi yaqinidagi avtoturargohda to‘xtab turgan mashinani suratga oldi. Avtomobilning ochiq versiyasi 29-fevral kuni ilk bor taqdim etiladi.

Mashinaning old qismini suratga tushira olishmadi, ammo kadrga uning bir yo‘la ikki xil — kulrang va ko‘k rangdagi versiyalari tushdi. Har ikkala avtomobil ham yig‘iladigan yumshoq tomga ega.

Bundan tashqari, Mercedes kompaniyasi C-Class kabrioletining rasmiy tizerini chiqardi, unda AirCap va AirScarf tizimlari qanday ishlashini ko‘rish mumkin. AirCap old oyna tepasida ko‘tariladigan maxsus soyabon, AirScarf esa havo quvuri bosh tiragichiga o‘rnatilgan “havo sharfi”dir.