General Motors konserni Takata xavfsizlik yostiqlaridagi nuqsonli tarkibiy qismlar tufayli, navbatdagi chaqirib olish kampaniyasini boshlashga majbur, deb yozadi 3DNews.
Takata yostiqlarida foydalanilgan kompressor nuqsonli bo‘lib chiqqan, xavfsizlik yostig‘i ishga tushgan vaqtda u portlab ketishi mumkin. Natijada transport vositasi saloniga siniq parchalari otilib, ichkaridagi kishilarga jiddiy zarar yetkazishi mumkin.
Bugungi kunda nuqsonli Takata yostiqlari natijasida kelib chiqqan kamida o‘nta o‘lim holati tasdiqlangan. Ulardan to‘qqiztasi Honda Motor avtomobillarida qayd etilgan.
Bu safar General Motors 2003-yildan 2011-yilgacha ishlab chiqarilgan Saab va Saturn mashinalarini chaqirib oladi. Servis markazlariga murojaat qilish jami 200 000 avtomobil egasiga taklif etilgan.
Izoh (0)