Тошкент шаҳрининг Аҳмад Дониш ва Мойқўрғон кўчалари кесишмасида 22 февраль, душанба куни Chevrolet Spark ва Chevrolet Lacetti автомобиллари иштирокида йўл-транспорт ҳодисаси юз берди. Бу ҳақда Facebook’даги «Водители Ташкента» гуруҳида хабар қолдирилган.
ЙТҲ қандай ҳолатда, кимнинг айби билан юз бергани номаълум. Ҳодиса натижасида Chevrolet Spark автомобили ағдарилиб кетган, Lacetti эса светофор устунига бориб урилган. Жабрланувчилар ҳақида ҳозирча маълумот йўқ.
Фотохабар остида фикр билдирган «Водители Ташкента» гуруҳи аъзолари Аҳмад Дониш — Мойқўрғон кесишмасидаги бу каби ЙТҲларнинг аксарияти ҳайдовчилар светофорнинг сариқ ранги ёнганида ҳаракатланишни бошлаб, чорраҳага чиқиб кетиши ортидан юз беришини қайд этган.
Изоҳ (0)