AQSh va Rossiya qurol-yarog‘ eksporti bo‘yicha jahonda birinchi pog‘onalarni egallab turibdi

AQSh va Rossiya bir necha yildan buyon dunyoning eng yirik qurol-yarog‘ eksportchilari maqomini saqlab turibdi. Bu haqda Stokgolm xalqaro tinchlik tadqiqotlari instituti ma’lumotlariga tayanib, “Interfaks” agentligi xabar berdi.

Institut xodimlari tayyorlagan hisobotga ko‘ra, oxirgi besh yil mobaynida butun dunyo bo‘ylab sotilgan qurolning 33 foizi AQSh, 25 foizi Rossiya tomonidan realizatsiya qilingan. Aniqlanishicha, AQSh 96, Rossiya 50 davlatga qurol-yarog‘ yetkazib beradi.

Uchinchi o‘rinda 5,9 foizlik ko‘rsatkich bilan Xitoy turibdi. Undan jahonning 37 mamlakati qurol-yarog‘ xarid qiladi.