АҚШ ва Россия бир неча йилдан буён дунёнинг энг йирик қурол-яроғ экспортчилари мақомини сақлаб турибди. Бу ҳақда Стокгольм халқаро тинчлик тадқиқотлари институти маълумотларига таяниб, «Интерфакс» агентлиги хабар берди.
Институт ходимлари тайёрлаган ҳисоботга кўра, охирги беш йил мобайнида бутун дунё бўйлаб сотилган қуролнинг 33 фоизи АҚШ, 25 фоизи Россия томонидан реализация қилинган. Аниқланишича, АҚШ 96, Россия 50 давлатга қурол-яроғ етказиб беради.
Учинчи ўринда 5,9 фоизлик кўрсаткич билан Хитой турибди. Ундан жаҳоннинг 37 мамлакати қурол-яроғ харид қилади.
Изоҳ (0)