AQShning Michigan shtatida 6 kishini otib o‘ldirgan va ikki kishini yaralagan erkak 22-fevral, dushanba kuni sud oldida javob beradi. Unga turkum qotilliklarga qo‘l urganligi bo‘yicha rasmiy ayblov e’lon qilinishi kutilmoqda. Bu haqda “TASS” xabar berdi.
45 yoshli Jeyson Dalton shtat janubidagi Kalamazu okrugida o‘t ochganidan bir necha soat o‘tib, politsiyachi uni qidiruvga berilgan mashinasida mahalliy bar avtoturargohidan jilayotganida payqab qolganidan so‘ng qo‘lga olindi. Hibsga olish chog‘ida erkak qarshilik ko‘rsatmadi, avtomobilida esa qotilliklar sodir etilgani taxmin qilinayotgan yarim avtomat pistolet topilgan.
Hozirda politsiya Daltonni so‘roq qilmoqda. U o‘zi amalga oshirgan jinoyatlarga undagan sabablarni oshkor qilishdan bosh tortmoqda. Huquq-tartibot idoralari qurbonlar bir-biri bilan bog‘liq bo‘lmagani va nishon tariqasidagina tanlanganini bildirgan.
Izoh (0)