Rossiya prezidentining Shimoliy Osetiya rahbari vazifasini vaqtincha bajarib turuvchini tayinlash to‘g‘risidagi farmoni imzolanguncha mintaqani respublika bosh vaziri boshqarib turadi. Bu haqda Rossiy prezidentining Shimoliy-Kavkaz federal okrugidagi muxtor vakili Sergey Melikov ma’lum qildi, deb xabar beradi “Vedomosti”.
“Qaror qabul qilishimiz uchun bizdan har kuni ish, tahlil va vaziyatni monitoring qilish talab qilinadi”, — dedi Melikov respublika hukumati yig‘ilishida.
Melikov respublikani vaqtincha boshqarib turuvchi tayinlangunga qadar mintaqa hukumati raisi Vyacheslav Bitarov Shimoliy Osetiyani boshqarishini ma’lum qildi.
21-fevral kuni Vladikavkazda Shimoliy Osetiya respublikasi rahbari Tamerlan Aguzarovni dafn etish marosimi bo‘lib o‘tdi. U 19-fevral, juma kuni Moskvada 53 yoshida vafot etdi.
Izoh (0)