Shimoliy Koreyaning “Nodon sinmun” gazetasida ilk bor Koreya xalq armiyasi bosh shtabining rahbari sifatida Li Myon Su eslatib o‘tildi. Fevral boshlarida uning o‘tmishdoshi Li Yon Gil qatag‘on qilingani haqida OAVda xabarlar paydo bo‘lgandi, deya ma’lum qiladi “RIA Novosti”.
Li Yon Gil 2015-yil avgustida bosh shtab boshlig‘i lavozimini egallagandi. Ammo 2016-yil fevralida uning ismi-sharifi sun’iy yo‘ldoshli raketa muvaffaqiyatli uchirilgani munosabati bilan uyushtirilgan tadbirlarda ishtirok etgan mansabdorlar ro‘yxatidan tushib qoldi.
Yonhap agentligining bildirishicha, Li Yon Gil 2—3-fevralda bo‘lib o‘tgan partiya yig‘inidan so‘ng korrupsiyada ayblanib, qatl etilgan.
Izoh (0)