Ҳукуматнинг Ўзбекистон Республикасидаги электрон тижорат қоидаларини тасдиқлаш тўғрисидаги қарорининг лойиҳаси Интерактив давлат хизматлари ягона порталига муҳокама учун жойланди, деб ёзади «Газета.uz». Муҳокама февраль охиригача давом этади.
Ҳужжатда таъкидланишича, ахборот тизимларидан фойдаланиб тузилган шартнома ёзма шаклда тузилиб, томонлар имзолаган ва муҳрлаган шартномага тенглаштирилади.
Қоидалар лойиҳасига кўра, электрон тижорат шаклида маҳсулотни сотиш, ишларни бажариш ва хизмат кўрсатиш учун рухсат берувчи ҳужжатга эга бўлиш шарт эмас. Бундан ташқари, маҳсулотларни шахсий автомобилда етказиб беришда лицензия олиш талаб этилмайди.
Қоидаларда электрон савдо майдонлари Ахборот технологиялари ва коммуникацияларини ривожлантириш вазирлиги томонидан шакллантириладиган вебсайтлар ва бошқа электрон манбалар ягона рўйхатига киритилиши кераклиги кўзда тутилган.
Изоҳ (0)