Saudiya Arabistonida ishtirokchi mamlakatlar soni bo‘yicha eng katta ko‘lamdagi harbiy mashg‘ulotlar boshlanmoqda. Bu haqda “TASS” xabar berdi.
Al Arabiya ma’lumotlariga ko‘ra, “Ar-Riyod taklifiga ko‘ra va rahbarligi ostida bo‘lib o‘tadigan mashqlarda 20 dan ziyod arab va islom davlatlari armiya bo‘linmalari qatnashadi”. Mashqlarda ishtirok etadigan harbiy xizmatchilar va harbiy texnika miqdori haqida ma’lum qilinmagan. Xorijiy bo‘linmalar Saudiyaga yetib kela boshlagani bildirilmoqda.
“Shimol momaqaldirog‘i” deya nom olgan mashg‘ulotlar mamlakat shimolida, Xafr-al-Batn aholi punkti yaqinidagi harbiy bazada bo‘lib o‘tadi. Ularda asosan harbiy-havo kuchlari harakatlari sinovdan o‘tkaziladi. Shuningdek, havo hujumidan himoya, motoo‘qchi, tank, artilleriya qo‘shinlari, maxsus otryadlar va harbiy-dengiz kuchlari ham mashqlarga jalb etiladi.
Izoh (0)