Саудия Арабистонида иштирокчи мамлакатлар сони бўйича энг катта кўламдаги ҳарбий машғулотлар бошланмоқда. Бу ҳақда «ТАСС» хабар берди.
Al Arabiya маълумотларига кўра, «Ар-Риёд таклифига кўра ва раҳбарлиги остида бўлиб ўтадиган машқларда 20 дан зиёд араб ва ислом давлатлари армия бўлинмалари қатнашади». Машқларда иштирок этадиган ҳарбий хизматчилар ва ҳарбий техника миқдори ҳақида маълум қилинмаган. Хорижий бўлинмалар Саудияга етиб кела бошлагани билдирилмоқда.
«Шимол момақалдироғи» дея ном олган машғулотлар мамлакат шимолида, Хафр-ал-Батн аҳоли пункти яқинидаги ҳарбий базада бўлиб ўтади. Уларда асосан ҳарбий-ҳаво кучлари ҳаракатлари синовдан ўтказилади. Шунингдек, ҳаво ҳужумидан ҳимоя, мотоўқчи, танк, артиллерия қўшинлари, махсус отрядлар ва ҳарбий-денгиз кучлари ҳам машқларга жалб этилади.
Изоҳ (0)