Ispaniyaning Cybermetrics Lab tadqiqot guruhi butun dunyodagi oliy o‘quv yurtlari saytlari reytingini e’lon qildi. Bu haqda Ictnews xabar bermoqda.
2016-yil reytingida jahondagi 24 mingdan ziyod oliy o‘quv yurtlari saytlariga baho berilgan. Bunda saytning qidiruv tizimlarida mavjudligi, giperhavolalar miqdori kabi ko‘rsatkichlar inobatga olingan. Global reytingda birinchi o‘rinni Garvard universiteti sayti egalladi. Ikkinchi o‘rinda Stenford universiteti, uchinchi o‘rinda esa Massachusets texnologik instituti qayd etilgan.
Tadqiqot guruhi O‘zbekistondagi 66 ta oliy o‘quv yurtlari sayti faoliyatini ham tahlil etdi. Uning natijalariga ko‘ra, O‘zbekiston Milliy universiteti sayti milliy segmentda birinchi (global reytingda 6565), Samarqand davlat universiteti ikkinchi (8084), Samarqand qishloq xo‘jaligi instituti esa uchinchi (8408) o‘rinda qayd etildi.
Izoh (0)