Испаниянинг Cybermetrics Lab тадқиқот гуруҳи бутун дунёдаги олий ўқув юртлари сайтлари рейтингини эълон қилди. Бу ҳақда Ictnews хабар бермоқда.
2016 йил рейтингида жаҳондаги 24 мингдан зиёд олий ўқув юртлари сайтларига баҳо берилган. Бунда сайтнинг қидирув тизимларида мавжудлиги, гиперҳаволалар миқдори каби кўрсаткичлар инобатга олинган. Глобал рейтингда биринчи ўринни Гарвард университети сайти эгаллади. Иккинчи ўринда Стенфорд университети, учинчи ўринда эса Массачусетс технологик институти қайд этилган.
Тадқиқот гуруҳи Ўзбекистондаги 66 та олий ўқув юртлари сайти фаолиятини ҳам таҳлил этди. Унинг натижаларига кўра, Ўзбекистон Миллий университети сайти миллий сегментда биринчи (глобал рейтингда 6565), Самарқанд давлат университети иккинчи (8084), Самарқанд қишлоқ хўжалиги институти эса учинчи (8408) ўринда қайд этилди.
Изоҳ (0)