Los-Anjeles sudi dorilarni me’yoridan ortiq qabul qilish tufayli nobud bo‘lgan uch nafar bemorning o‘limida Syu-In Szenni aybdor deb topdi. Shifokor umrbod qamoq jazosiga hukm qilinishi mumkin, deya xabar beradi “RIA Novosti”.
Jinoiy ish materiallariga ko‘ra, shifokor o‘z mijozlariga og‘riq qoldiruvchi dorilarning haddan ziyod ko‘p dozasini buyurgan. Bunga amal qilganlardan uch nafari hayotdan ko‘z yumgan.
45 yoshli Szen davolagan o‘ndan ziyod bemor nobud bo‘lgani ma’lum, biroq ayblovga faqat uch kishining o‘limi asos qilib olindi: qolgan o‘lim hodisalari boshqa holatlar, xususan, o‘zga shifokorlar tomonidan tavsiya etilgan dori-darmonlar qabul qilinishi bilan bog‘liq bo‘lgan.
Izoh (0)