Qozog‘iston bosh vaziri o‘rinbosari Dariga Nazarboyeva Ta’lim va fan vazirligidagi chiqishi chog‘ida mamlakat fuqarolari yaqin orada xitoy tilini bilishiga to‘g‘ri kelishini ma’lum qildi. Bu haqda “Informburo.kz” xabar bermoqda.
“Yaqin orada barchamiz yana xitoy tilini bilishimiz ham zarur bo‘ladi. Bu davlat bizning buyuk janubiy qo‘shnimiz, o‘ta muhim sherik, mamlakatimiz iqtisodiyotining eng yirik investori”, — deya ta’kidlagan prezident Nazarboyevning qizi.
Bosh vazir o‘rinbosari davlat rahbari tomonidan qo‘yilgan “uch tillilik” — har bir fuqaro qozoq, rus va ingliz tillarini mukammal bilishi zarurligi haqidagi vazifani ham eslatib o‘tdi.
Izoh (0)